ಹುಟ್ಟು ಸಾವಿನ ಮಧ್ಯೆ

ಹುಟ್ಟು ಸಾವಿನ ಮಧ್ಯೆ

ಹುಟ್ಟು ಸಾವಿನ ಮಧ್ಯೆ ಅದೆಷ್ಟು ಬದಲಾವಣೆಯು
ಹೂವ ಮೊಗ್ಗನು ನೋಡಿ ಇಲ್ಲಿ ತಿಳಿಯಬಹುದು
ದೇಹಕ್ಕೆ ಹೇಗೆ ಬಾಲ ಕೌಮಾರ್ಯ ವಾರ್ಧಿಕ್ಯ ಜರವು
ಮೊಗ್ಗಾಗಿ ಹೂವಾಗಿ ನಲಿದು ದಿನಕಳೆಯೇ ಸಾವು

ನಿನ್ನೆ ಇರಲಿಲ್ಲ ನಾಳೆ ತಿಳಿದವನೇ ಇಲ್ಲ
ಮಧ್ಯೆ ಬದುಕುವ ಜೀವ ಅದುಮಾತ್ರ ಬಲ್ಲ
ನಡುವೆ ಬದಲಾವಣೆಯು ನಿರಂತರ ನಿತ್ಯ
ಹುಟ್ಟುಸಾವಿನ ಮಧ್ಯೆ ಅದೆಷ್ಟು ವಿಚಿತ್ರ

ಬಿರಿದರಳಿ ಮಕರಂದ ಸೂಸುವದೆ ಗುರಿಯೊ
ಪ್ರಕೃತಿ ನಿಯಮವೇ ಹಾಗೆ ನಡೆಯುವದೆ ಹೀಗೊ
ಹೆತ್ತು ಹೊತ್ತು ಬೆಳೆದು ಅನುಭವಿಸಿ ಸಾಗುವದೆ ಜಗವೊ
ಮೂಲ ಆಶಯವೇನೋ ದ್ವಂದ್ವ ತಿಳಿಯುವದು ಹೇಗೊ ?

ಚಿತ್ರ ಕೃಪೆ

ಶ್ರೀವಿದ್ಯಾ.ಕೆ (http://www.facebook.com/shrividya.k.9)